Saturday, April 24, 2021

Ambathik Rasa

Oleh Ika Zardy Saliha

Apa aku luput
nalika anetesake panasing malam
aneng lembaring mori putih, panguripanmu
kang tan bisa cinacat
banjur anglowong gegambaran endah
anecek angiseni kekarepan
rasa, kang biyen wurung kasungging lan kajaplak

Apa aku luput
nalika anyolet werna wernaning pangimpen
banjur amopok anembok lelakon cabar
kang wingi-wingi tan kababar
lan, dak kelir sakabehe
kanthi warna amung sajuga
werna pepuntoning pepinginan
sadurunge kabeh kalorot
ambuka maewu gebyaring warna anyar
kang bakal binabar mangambar

Apa aku luput
yen kanyatan aneng lembaring panguripan
tan bakal ana kang putih salawase
lan aku, wis ambathik pangimpenku

Kapang, 6 April 2021

spot_img

TINGGALKAN KOMENTAR

Silakan masukkan komentar anda!
Silakan masukkan nama Anda di sini

- Advertisment -

Tulisan Terbaru

PP 57/2021

0

Fajar Pertama Bulan Ramadan

0

Elegi Lembah Pujian

0

Komentar Terbaru

Sedang Populer

1,166FansLike
52FollowersFollow