Ika Zardy Saliha

Arummu wis musna kabuncang mangsa
wernamu wis ilang kagarang angin
mekarmu wis alum karengkuh dina
nanging, sliramu tetep kembang

Kembangku kang randhat dak temokake
nalika crita wis kebacut dawa
nalika gurit wurung kaanggit

Kembangku
kembang ati
kang tan winates blegering wujud
bakal dak regem permati
senadyan mangsa bakal gumanti

Jogja, 26 Maret 2020