Dening Ika Zardy Saliha
Tan kinira nyawang julig sreimu ing suwalike tetopengan
Tanpa rangu rangu kok ubal wadi sanak kadang
Mbokmenawa kowe lali
Marang bun ing pucuk godhong
Kang tansah bening senajan nempel ing sewu rupa godhong
Nanging coba sawangen
Bunglon ing raimu
Wayah esuk katon ijo
Rina katon ireng.
Nalika wengi tansaya peteng
Saben wektu mung katutup gurit palsu
Esem lan guyumu
Luh tangismu
Amung semu memaes sedyaning uripmu
Elinga yen wektu tan mandheg lumaku
Mantheng lempeng marang wusananing kandha
Ambuka critamu topeng brahala
Pengasih, 31 Mei 2021
